Қасиетті жұма күні ҚМДБ-ның төрағасы, Бас мүфти Наурызбай қажы Тағанұлының бұйырығымен Шымкент қалалық Жастар ісі секторына жаңа жетекші тағайындалды.

Дәлірек айтқанда, Бас мүфти бұйырығымен тәжірибелі һәм білікті маман Керімбеков Анарғали Пірәліұлы Шымкент қаласы орталық мешітінің наиб имамы қызметінен босатып, Шымкент қалалық Жастар ісі секторының жетекшісі әрі қосымша жүктеме ретінде «Масжидур Рохман» мешітінің бас имамы қызметіне тағайындалды.

Таныстыру шарасына Шымкент қалалық орталық мешіттің наиб имамы Еркебұлан Қарақұлов қатысып, қаланың бас имамы Бақдәулет Нұрматұлының сәлемін жеткізді.