Рухани келісім күніне орай Ақтөбедегі діни бірлестік өкілдерінің қатысуымен «Діни келісім – бірлік пен тұрақтылық кепілі» тақырыбында облыс әкімі Оңдасын Оразалиннің төрағалығымен дөңгелек үстел өтті.

Іс-шарада Ақтөбе облысы өкілдігі атынан наиб имам Алмат Әли баяндама жасады. Ислам діні татулықты, ауызбіршілікті діттейтінін жеткізіп, өзге де дәстүрлі діндерді, әрі олардың пайғамбарлары мен кітаптарын мойындайтындығын әуел баста-ақ қасиетті Құранның аяттарында келгенін атап өтті. Сондай-ақ, әртүрлі дін өкілдерінің басқосуы, еліміздегі рухани келісімнің, тұрақтылықтың, түсіністіктің, сыйластықтың бар екендігін көрсететінін тілге тиек етті.

Шара барысында облыс әкімі Оңдасын Сейілұлы пандемия кезінде ҚМДБ-ның Ақтөбе облыстық өкілдігінің атқарған жұмысы мен қайырымдылық шараларына жоғары баға беріп, ризашылығын білдіре келе, алғыс хат және естелік сыйлықпен марапаттады.