Қостанай облысы Әулиекөл ауданының азаматтары жыл сайын жаңа оқу жылы қарсаңында дәстүрлі «Мектепке жол» акциясына белсене атсалысады. Олар биыл да акцияға лайықты үлес қосты.

«Шараға атсалысып көмек көрсеткен барша ағайынға шексіз ризашылық білдіремін. Алланың нұры жаусын! Халқымыз «Жұмыла көтерген жүк жеңіл» деген. Әрдайым осылай ауызбіршілік танытсақ, ісіміз берекелі болады» деді Әулиекөл аудандық мешітінің бас имамы Нұрлан Сыздықов.

Айта кетейік, акцияға кәсіпкер Сәбит Жайсанов қолдау көрсетіп, көпбалалы отбасылардың ұл-қыздарының мектепке баруына жағдай жасады.