ҚМДБ төрағасы, Бас мүфти Наурызбай қажы Тағанұлының бастамасымен Діни басқарманың 30 жылдығына орай «Әдемі әуезді азаншы» республикалық азаншылар жарысының Солтүстік Қазақстан облысы бойынша іріктеу кезеңі өтті.

Облыстық орталық «Қызылжар» орталық мешітінде өңір азаншылары арасында өткен сайыстың алғашқы кезеңінде қатысушылар әдемі әуездерімен азан айтып, келесі кезеңде тақырыпқа сай сұрақтарға жауап берді.

Нәтижесінде СҚО Қызылжар аудандық «Кәусар» мешітінің наиб имамы Абдолла Мухаммад жеңіске жетіп, республикалық жарысқа жолдамаға ие болды.