Қазақстан мұсылмандары діни басқармасының 30 жылдық мерейтойына орай, Алматы қаласы өкілдігі атынан Алматы облысы, Іле ауданына қарасты «Ащыбұлақ» елдімекеніне жаңа құдық пайдалануға берілді.  

Ашылу салтанатына Алматы қаласының бас имамы Еркінбек Шоқай, ҚМДБ Ғұламалар кеңесінің мүшесі Бауыржан Әлиұлы, Алматы қаласы Жетісу ауданының бас имамы Бақытжан Көптілеуов және «Ащыбұлақ» елдімекенінің тұрғындары қатысты. 

30 метр тереңдікте қызылған суы бал танитын бұл қыдық Алматы қаласы мешіттерінің, атап айтқанда Жетісу ауданы мешіттерінің жамағаттары мен жомарт жандардың ұйымдастыруымен қазылып, ел игілігіне берілді. 

Ашылу салтанатында ҚМДБ-ның Алматы қаласының Бас имамы Еркінбек Шоқай, ең алдымен, ҚМДБ төрағасы, Бас мүфти Наурызбай қажы Тағанұлының сәлемін жеткізіп, дініміздегі құдық қазудың сауабына тоқталып өтті. Сондай-ақ, «30 жылдыққа 30 игі шара» аясында игі іске мұрындық болған азаматтарға алғыс білдірді.