Қазақстан мұсылмандары діни басқармасы қызметінің дәстүрлі бағыттарының бірі  – қайырымдылық. Бас мүфти Наурызбай қажы Тағанұлының бастамасымен Талғар аудандық орталық мешіті «Қайырымдылық керуені» игі шарасын ұйымдастырды.

Мешіт ұжымы Қарабұлақ ауылының әлеуметтік жағынан аз қамтылған отбасыларына тұрмысқа қажетті азық-түліктер жеткізіп берді.

Аудан имамы Қажымұхан Қамбарұлы «Гүлахмет ата» мешіті ауласында 30 отбасыға арнайы әзірленген азық-түліктер мен тұрмыстық заттарды үлестірді. Мешіттерден ұдайы жәрдем алып тұратын отбасылар Бас мүфти Наурызбай қажы Тағанұлының бұл ерекше бастамасына өз ризашылықтарын білдіріп, алғыстарын айтты.