Қазақстан мұсылмандары діни басқармасының 30 жылдығына орай ҚМДБ-ның Семей Қос мұнаралы орталық мешітінің ұйымдастыруымен «Қайырымдылық керуені» іс-шарасы Шар қаласында өтті.

Айтулы шара барысында Семей орталық мешітінің наиб имамы Бекзат Боранбайұлы ҚМДБ төрағасы, Бас мүфти Наурызбай қажы Тағанұлының бастамасымен қолға алынған игі шараның маңыздылығына тоқталып, арнайы құттықтау сәлемін жеткізді.

Шар қаласының тұрмыс жағдайы төмен 10 отбасына  арнайы азық-түлік себеттері (ұн мен макарон өнімдері, күріш, қарақұмық, қант, сұйық май, шай) үлестірілсе, одан бөлек, «Мектепке жол» акциясы ұйымдастырылып, 10 оқушыға мектепке қажетті оқу құралдары берілді.

Шара соңында мұқтаж жандар дін қызметкерлеріне алғыстарын айтып, жасап жатқан игі істеріне ризашылықтарын білдірді.