Ел анасы атанған Бибі-Жамал Әбдімәлікқызының дүниеден өткеніне қырық күн өтуіне орай еліміз бойынша 6300 отбасыға қайырымдылық көрсетіліп, Маңғыстау облысында баспаналы болсам деп жүрген 5 мұқтаж отбасыға пәтер кілті табысталғанын хабарлаған болатынбыз.

Сондай-ақ, аталмыш қайырымдылық іс-шаралары аясында Қазақстан мұсылмандары діни басқармасының 30 жылдығына орай «30 игі шара» бағдарламасына сәйкес Маңғыстау өңірінде 2 шақырымдық жол ел игілігіне берілді.

Жолдың ашылу салтанатында ҚМДБ-ның Маңғыстау облысы бойынша бас имамы Әнуар Ізімбайұлы сөз алып, алдымен ҚМДБ Төрағасы, Бас мүфти Наурызбай қажы Тағанұлының арнайы құттықтау сәлемін жеткізіп, жергілікті ауыл тұрғындарын құттықтады. Сондай-ақ шараға батагөй қария Лепес қажы Қосмағанбетұлы мен өзге де ақсақалдар қатысты.