«Мектепке жол» қайырымдылық акциясы Алматы облысының Талғар ауданында жалғасын тапты.

Ауданға қарасты әлуметтік аз қамтылған отбасындағы 100-ге жуық балаға сабаққа керек оқу құралдары берілді. Игі шараның басты мақсаты – жаңа оқу жылы қарсаңында көмекке мұқтаж отбасыларға демеушілік көрсетіп, балаларды мектепке қамдау.

Аудан имамы Қажымұхан Қамбарұлының ұйымдастыруымен өткен игі шарада көп балалы ата-аналар, жалғыз басты аналар қамтылды. Мешіттерден ұдайы жәрдем алып тұратын ата-аналар Діни басқарма ұжымы мен кәсіпкерлерге ризашылықтарын білдіріп, алғыстарын айтты.