Жұма күні Ақтау қаласының әкімі Қилыбай Нұрдәулет Игілікұлы бастаған әкімшілік қызметкерлері қалалық «Бекет ата» мешітіне арнайы ат басын бұрды.

Мешіттің тыныс-тіршілігімен танысқаннан кейін, қала басшысы Нұрдәулет Игілікұлы, ҚМДБ-ның Маңғыстау облысы бойынша бас имамы Әнуар Ізімбайұлы, қалалық «Бекет ата» мешітінің бас имамы Қайрат Маманбаев, сондай-ақ зиялы қауым өкілдері қатысқан жиналыс барысында қалалық мешіттің орнында жаңадан салынатын құлшылық үйінің жоспары талқыланып, бір ауыздан бекітілді.

Сонымен қатар, бұл жиналыста Ақтау қаласының 34-ші ықшам ауданында жаңадан салынатын 200 орындық мешіттің мәселесі қарастырылды.