Бидай өнімдерін өндіруші отандық «Аруана-2010» кәсіпорны «ҚМДБ халал» стандарты бойынша сертификатталды.

Мекеменің «Патша» және «Тұмар» сауда белгісімен шығарылатын жоғарғы, бірінші, екінші сортты ұндары еліміз ғана емес, көрші мемлеккеттерге де экспортталады. Кәсіпорын күніне 300 тонна бидай өңдеуге қауқарлы. Өндіріс орны соңғы техникалық құрылғылармен жабдықталып, толықтай автоматтандырылған.
⠀
Кәсіпорынды сертификаттау барысындағы міндетті аудит жұмысын жергілікті өкіл Алишер Балахмет жүргізді. «Аруана-2010» кәсіпорны «Халал өнімдерді өндіру, дайындау, өңдеу, сақтау, тасымалдау және сатуға қойылатын жалпы талаптар стандарты» бойынша сертификатталды.