Қазақстан мұсылмандары діни басқармасы қызметінің дәстүрлі бағыттарының бірі  – қайырымдылық. Осы орайда, ҚМДБ төрағасы, Бас мүфти Наурызбай қажы Тағанұлының «Қайырымдылық керуені» бастамасы аясында Маңғыстау облыстық орталық «Бекет ата» мешітінен Қарақия ауданы Жетібай ауылының әлеуметтік аз қамтылған отбасыларына тұрмысқа қажетті азық-түлік жөнелтілді.

«Адам өміріндегі ең игі істердің бірі – мұқтаж жандарға қайырымдылық жасау, қамқорлық таныту. ҚМДБ тарапынан бастау алған бұл іс-шаралар біздің өңірімізде әрі қарай да жалғасын табады. Алла жолдарыңызды оң қылсын. Сәтті сапар тілеймін!», - деді Маңғыстау облысының бас имамы Әнуар Ізімбайұлы.

Айта кетейік, бұл жолғы көмек тұрмыс жағдайы төмен 50 отбасына арналып отыр. Аталмыш көмек аясында арнайы азық-түлік себеттері (ұн, макарон өнімдері, күріш, қарақұмық, қант, сұйық май, шай) үлестіріледі.