ҚМДБ «Зекет» қорының «Ел үлесі – пәтерге» акциясының аясында 250-баспана Қазығұрт ауданының тұрғыны Несіпгүл Баймұрзаның отбасына берілді.

6 бөлмелі үй жамағат пен демеушілердің көмегімен салынды. Көпбалалы анаға үйдің кілтін облыс имамы Мұсабек Ақтамберді табыстады.

Аудан орталығында су жаңа үйлер 4-5 миллион теңге тұрады. Бұл баспананың кірпішін жергілікті имамдар да өз қолдарымен қаласқан. Несіпкүл Баймұрза игі іске бастамашы болған ҚМДБ «Зекет» қорына, жанашыр жамағатқа ризашылығын білдірді. Бұл – «Ел үлесі – пәтерге» жобасымен жыл басынан бері Түркістан облысы бойынша берілген 15-баспана.