Құрбан айт мейрамы қарсаңында жомарт жандардың қолдауымен және «Зекет» қорының ұйымдастыруымен Семей Қос мұнаралы орталық мешітінде қайырымдылық шарасы өтті.

Осы іс-шарада көп балалы отбасылар мен мешіт тазалықшыларына 30 мың теңге көлемінде қаржылай көмек көрсетілді.

–Алла Тағала Құранда: «Бір жақсылық істеген адам он есе сауапқа ие болады» («Әнғам» сүресі, 160-аят), – деп айтқан. Осы ретте  Семей өңірі бойынша «Зекет» қоры игі, ізгі, сауапты іс-шарараға қол ұшын берген азаматтарға алғысын білдіріп, болашақта өз үлесін қосуға ниет еткен қайырымды жандардың қатары көбейетініне сенеді, - деді Семей аймағының бас имамы Асқар Мұқанов.

Өздеріне жасалған жақсылыққа разы болып, көңілдеріне қуаныш ұялаған көпшілік «Зекет» қорына алғыстарын айтып, дұға жасап тарқасты.