Қасиетті құрбан айтты карантин жағдайында өткеруге атсалысып жүрген мамандарға Атырау облысының бас имамы Алтынбек Ұтысханұлы айттық таратты.

Олардың арасында полиция, төтенше жағдай департаменті, ветеринария саласының мамандары бар.

Еске сала кетелік, бүгінгі таңда Атырау облысы əкімдігі тарапынан құрбандықты онлайн форматта ұйымдастыру жөніндегі арнайы штаб жұмыс істеп жатыр.

Құрылған штабтан тыс, орталық «Иманғали» мешіті тарапынан 12 бригада құрылды. Аталмыш бригада онлайн арқылы берілген тапсырыс аясында құрбан малын союмен және құрбан шалушыларға фото, видео есептер жіберумен айналысуда.