Таң

Күн

Бесін

Екінті

Ақшам

Құптан

Атырауда татуласу орталығы ашылды

inform.kz 24.06.2020 384 0 пікір
Атырауда татуласу орталығы ашылды

Атырау қаласында татуласу орталығы ашылды, деп хабарлайды ҚазАқпарат.

«Жақында Азаматтық іс жүргізу кодексіне өзгертулер мен толықтырулар енгізілген болатын. Олардың бір бөлімі татуластыру рәсімдерін жүргізуге бағытталған. 22 маусымнан бастап соттар тараптардың талап арыздарын қабылдап, оларды бітімге келтіруші судьяға жібереді. Тараптар проблемалық мәселелерді татуласу арқылы шешуі үшін оған 14 күн уақыт беріледі», - деді Атырау облыстық сотының төрағасы Бауыржан Жұмағұлов.

Орталық жұмысы өткен жылы облыстық соттың базасында пилоттық режимде басталған болатын. Осы уақыт ішінде 2257 іс қаралып, олардың 840-ы сотқа жетпей шешілді.

Орталықта азаматтарға медиаторлар, билер, қорғаушылар, прокурорлар, психологтар, нотариустар және бизнес-омбудсмен өкілдері көмек көрсетеді. Орталық қажетті техникалық құралдармен жабдықталған.

Пікірлер (0)

Тіркелген қолданушылар ғана пікір қалдыра алады. Сайтқа кіру

Соңғылар

Мұсылман діни күнтізбесі