Балалар мерекесіне орай Шығыс Қазақстан облыстық «Халифа Алтай» мешіті «Балаларға тарту» атты қайырымдылық бағдарламасын ұйымдастырды.

Шара аясында этносаябақта 500-ден астам балаға «Халифа Алтай» мешіті мен «Зекет» қоры атынан балмұздақ, сусындар, тәттілер таратылды.

«Игі шараны Балалар мерекесіне орай әдейі ұйымдастырып отырмыз. Себебі балаларға қуаныш сыйлау – нағыз бақыт» деп атап өтті игі істің ұйымдастырушы, «Зекет» қорының өкілі Аманбол Қуатұлы.

Бұл игі бастама балаларға мерекені шынайы сезіндірді. Балалар ұйымдастырушыларға алғыс білдірді. Шара жоғарғы деңгейде өтті.