Елордадағы «Нұр Астана» мешітінің сыртын қайта жөндеу жұмыстары басталды.

Қала қонақтары мен туристер көп келетін елорданың ең көрікті ғимараттарының бірі – «Нұр Астана» мешіті. 2018 жылы Халықаралық комитет төрт мұнаралы мешітті «таңдаулы туристік орындардың әлемдік тізіміне» енгізген болатын.

Хадисте баяндалғандай, «Алла Тағалаға елді мекеннің ең көрікті жерлері – мешіттер» және келесі бір хадисте «Кім жер бетінде Алланың үйін салуға атсалысса, Алла Тағала ол кісіге жұмақтан орын дайындайды» делінеді. Олай болса «Нұр Астана» мешітінің жөндеу жұмыстарына демеушілік көрсетуші азаматтарға алғысымызды білдіреміз.