Қазақстан мұсылмандары діни басқармасының Алматы облысы, Талғар ауданына қарасты мешіттер ел аумағында жарияланған төтенше жағдай уақытында әртүрлі қайырымдылық шараларын ұйымдастырды.

Мешіт имамдары әлеуметтік жағынан аз қамтылған 2 мыңға жуық отбасыны қолдау мақсатында азық-түліктер үлестіріп, кей отбасыларға қаржылай да көмек көрсетті.

Қиналған шақта Алла үйінен қолдау тапқан жандар дән риза болып, Бас мүфтиге және дін қызметінде жүрген имамдарға алғыстарын білдірді.