Қасиетті Қадір түні қарсаңында Қызылорда облысы әкімі Гүлшара Әбдіқалықованың 200 отбасыға арнаған «Ауызашар қоржыны» таратылды.

ҚМДБ Төрағасы, Бас мүфти Наурызбай қажы Тағанұлының тапсырмасымен бастау алған «Жүрек жылуы» акциясы аясында Рамазан айының құрметіне өңірімізде ұйымдастырылып жатқан «Ауызашар қоржыны» қайырымдылық шарасына аймақ басшысы да өз үлесін қосты.

ҚМДБ Сыр өңірінің бас имамы Болатбек Ұласқанұлы бастаған қала мешіттерінің қызметкерлері мен ерікті жамағаттары облыс әкімінің тұрғындарға жолдаған ізгі лебізі мен мерекелік қоржынын жеткізді.

Айта кетейік, берекелі ай басталғалы бері аталған акция аясында жалпы облыс бойынша әлеуметтік жағдайы аз қамтылған 1600 отбасыға азық-түлік салынған «Рамазан қоржыны», 50 отбасыға 432 келі ет, 40 отбасыға 1 тонна күріш үлестірілді.