Қызылорда облысының бас имамы Болатбек Абуов облыстық «Qyzylorda» телеарнасында тікелей эфирде Қадір түнінің қадір-қасиеті жайлы сұхбат берді.

Жергілікті телеарнаның «Жаңа күн» бағдарламасында өткен эфирде бас имам Болатбек Ұласқанұлы қасиетті түннің ерекшелігі мен берекетіне тоқталып, жасалуы құп саналған амал-құлшылықтар жайлы айтты.

Сонымен қатар еліміздегі карантин режиміне байланысты биылғы Рамазан айындағы өзгерістерді түсіндіріп, Қызылорда облыстық өкілдігінің ұйымдастыруымен aqmeshit.kz инстаграм парақшасында онлайн уағыз-насихаттар өтетінін хабарлады. Сөз соңында Болатбек Абуов жұқпалы індеттің таралуының алдын алу мақсатында аймақ жұртшылығын Қадір түнінде өз үйінде болып, отбасымен бірге өткізуге шақырды.