Маңғыстау облыстық орталық мешіті Әйел-қыздар секторының ұйымдастыруымен Ақтаудағы әлеуметтік жатаханада тұратын 100 отбасына ауызашар таратылды.

Қайырымдылық шарасына мешіт жамағаты атсалысып, қасиетті айда ниет етіп, ауыз бекіткендерге үйлеріне ыстық тағам жеткізілді.

«Мешіт жанындағы Әйел-қыздар секторының мүшелері Рамазан айының сауабынан құр қалмау мақсатында шараға белсене араласты. Алла разылығы үшін күні бойы нәр татпай, ыстық тағамдар мен тәттілерді шын ықыласпен өз қолымен дайындады. Өздері ораза  ұстап жүріп, мұқтаж отбасыларға мейірімділік танытып, қайырымдылыққа қатысқан жандарға алғыс айтамын, – дейді Маңғыстау облыстық орталық мешітінің Әйел-қыздар секторының жетекшісі Ақмарал Қазиева.

Айта кетейік, Әйел-қыздар секторы бұған дейін де мешіттің нәзік жандылар  қауымының мұрындық болуымен қайырымдылық жасалған болатын. Ақ жаулықтылар алдағы уақытта да тұрмысы төмен отбасыларға көмек қолын созады.