«Зекет» қорының директоры Талғат Сейіткәрімұлы бастаған ұжым 9 мамырға орай елорда шетінде орналасқан қарттар үйіне азық-түлік жеткізді.

Карантинге толық жабылған бұл мекемеге кіріп, осындағы бірнеше ардагерлерді жеке құттықтау мүмкіндігі болмады. Дегенмен, «Қазыналы қарттар» жобасы бойынша әрі «Нығметке толы 30 күн» атты акция аясында 306 адамға арналған азық-түлік ауызашар қоржыны мекеме қызметкерлеріне табысталды.

Ал күні бүгінге дейін «Нығметке толы 30 күн» атты акция аясында 300-ге жуық мұқтаж отбасыларға азық-түлік үйлеріне жеткізілген болса, 700 адамға ауызашар қоржыны таратылды.