ҚМДБ-ның Жамбыл облысындағы бас имамы Бейбіт қажы Мырзагелдиев Қордай ауданында болды. Бас имам өңірдегі діни ахуалды реттеу жұмыстарын іскерлік кездесуден бастады.

Жиынға Қордай ауданының әкімі Дәулет Рысбайұлы мен Аудандық ардагерлер кеңесінің басшысы Біржан Әлімбет, Жамбыл облысының құрметті азаматы Төле Аманжолұлы және мешіт ақсақалдары қатысты. Алқалы жиында ауданның діни жай-күйіне қатысты түрлі түйткілді  мәселелер көтеріліп, түйіні тарқатылды.

Мәжіліс қатысушылары тарапынан ұтымды ұсыныстар айтылып, пікірлер ескерілді. Қордай ауданына қажетті бірнеше өзгерістер, тағайындаулар мен қойылар талаптар тілге тиек болды. Күрделі жайттардың шешімі қарастырылып, осы жылы атқарылатын істердің жоспары жасалды. Бас имам алдағы уақытта да бірлесе жұмыс жасауды үндеді.