7 мамыр күні жамағат арасында діни сауаттылықты арттырып, жастарымызды ауызбіршілікке шақыру мақсатында БҚО Теректі аудандық орталық мешітінде "Бірлік" қоғамдық бірлестігінің ұйымдастыруымен білім сайысы өтті. 

Додаға Тасқала, Бөрлі және Теректі аудандарының жамағаттары қатысты. Байқау онлайн түрде WhatsApp әлеуметтік желісінің бейне-байланыс функциясымен жүргізіліп, Facebook желісінде тікелей эфир арқылы жарияланды. 

Сайыстың қорытындысы бойынша І орынды Тасқала ауданы, ІІ орын Бөрлі ауданы, ал ІІІ орын Теректі ауданына бұйырды.