Елордада ҚМДБ «Зекет» қоры «500 теңгеге ауызашар» акциясы аясында 226 адамға ауызашар қоржынын таратты.

«Зекет» қайырымдылық қоры еліміздегі төтенше жағдайға байланысты адамдарды бір жерге шоғырландырмай, ауызашар қоржындарын үйлерге таратуды қолға алған болатын.

– «500 теңгеге ауызашар» атты акция аясында көпшілікке ыңғайлы Kaspi.kz қосымшасы арқылы түсіп жатқан сіздердің садақаларыңыз арқылы бүгінде 226 адамға ауызашар қоржындарын таратып, бұл жобаны Рамазан айының соңына дейін жалғастыруды жоспарлап отыр. Қасиетті Рамазан айында игі әрі сауапты іске ат салысып жатқан әрбір жанға Алла Тағала мол сауаптан жазсын! – дейді «Зекет» қорының ресми өкілі Нұркен Ділмұхан.