Қасиетті Рамазан айында Шымкент қаласының әл-Фараби ауданында ҚМДБ «Зекет» қорының «Ел үлесі – пәтерге!» акциясымен тағы бір үйдің құрылысы басталды.

Дәлірек айтқанда, Сәуле мөлтек ауданындағы «Сәуле» мешіті мен қалалық «Зекет» қорының тікелей ұйымдастырумен мешіт жанында тұратын жалғысбасты қарт ананың тозығы жеткен ескі үйі сүріліп, орнына жаңа үй салынып жатыр.

Құрылыс жұмысын Шымкент қаласының бас имамы Бақдаулет Абдрахманов өз назарында ұстап, қадағалап отыр.

«Осы шараға қол ұшып беріп, қаржылай қолдау көрсеткен мешіт жамағаты мен өзгеде азаматтарға Алла разы болсын» дейді бас имам.