ҚМДБ «Зекет» қоры қыpметкерлері «Нығметке толы 30 күн» атты қайырымдылық акциясы аясында қасиетті ай басталғалы елуге жуық мұқтаж отбасыға азық-түлік таратты.

Алматы қаласында тұратын мұқтаж отбасыларға таратылған азық-түлік себетінде күнделікті қажетті өнім түрлері салынған.

«Рамазан айы басталысымен «Зекет» қоры «Нығметке толы 30 күн» атты акциясы аясында қор тізіміндегі мұқтаж отбасыларды күнделікті азық-түлікпен қамтамасыз етуді қолға алған болатын. Жобаға ат салысып, қолдау білдірген әрбір азаматқа алғысымызды білдіреміз. Алла Тағала оразамызды және әрбір хайырлы амалдарымызды қабыл етсін!» - дейді «Зекет» қорының мамандары.