Орал орталық мешітінде «Рамазандағы Құран хатым» атты онлайн хатым оқу шарасы басталды.

ҚМДБ Төрағасы Наурызбай қажы Тағанұлы Президент жанындағы Орталық коммуникациялар қызметінің алаңында Рамазан айында бір сағат арнайы онлайн Құран хатым оқылатынын хабарлаған болатын.

Орал орталық мешітіндегі Құран хатымды БҚО-ның алғашқы қариі, Бөкей орда ауданының тумасы Каспи Әлембек Мұратбекұлы оқып жатыр. Құран хатым оқу 24 сәуірден 19 мамырға дейін жалғасады. Орал орталық мешітінің интернет парақшаларынан тікелей эфирде оқылып келеді. Құран хатым дұғасы қасиетті Қадір түнінде жасалады.