ҚМДБ-ның БҚО бойынша өкілдігінің бастамасымен, жеке кәсіпкерлердің қолдауымен күніне 200 адамға арналған ауызашар берілуде.

Карантин жағдайына байланысты көпшілік жиналатын шаралар уақытша тоқтатылғаны белгілі. Соған байланысты Орал орталық мешіті ауызашар ретінде ыстық тамақ, салат, сусындар, жеміс пен тәттілер таратып келеді.

Мешіт имамдары мен еріктілер тобы Орал қаласы бойынша 200 отбасының үйіне ауызашарға арналған дастарханын тегін жеткізіп, қала, аудан тұрғындарын қуантып отыр.

Ал Сырым аудандық мешітінің бас имамы Әділхан Нұрбергенұлы бастамасымен, жамағаттың қолдауымен 100 адамға арналған ауызашар дастарқанын жеткізу өз жалғасын табуда.