Карантин кезінде елімізде алкогольді ішімдіктердің саудасы айтарлықтай өскен. Мамандар мұның себебі кей адамдардың коронавирустан сақтанудың жолын ішімдіктен тапқанынан болғанын айтады. Сондай-ақ, дүкендерде азық-түлік бағасының көтеріліп кеткені, көпшілікке ауыр тиіп жатыр.  

Созақ ауданы Тайқоңыр, Жуантөбе ауылдарының имамдары мен ақсақал жамағаттары дүкендерді аралап, иелерінен қасиетті Рамазан айында арақ-шарап саудасын тоқтатуды сұранды.

Сондай-ақ, азық-түлік бағасын қымбаттатпауға шақырды. Кәсіпкерлер уәжге тоқтап, адал саудамен айналысуға уәде берді.