Қарағанды қаласының мешіттері, «Зекет» корпоративтік қоры, «Ana-mama» қоғамдық қорының еріктілер тобы бірлесіп, төтенше жағдай кезінде уақыт талғамай ел қамында жүрген жедел жәрдем мекемесі қызметкерлеріне ыстық тағам үлестірді.

Игі жобаның басында жүрген бас имам Өмірзақ қажы Қазкенұлы халық игілігіне қызмет етіп жүрген азаматтармен сұхбаттасып, «Біз біргеміз» акциясы аясында өткізіліп отырған қайырымдылық шарасының мақсатын түсіндіріп, сабырлық пен сауаптың маңызы турасында насихат өрбітті.