Түркістан облысының Шардара қалалық орталық мешітінде «Жүрек жылуы» қайырымдылық акциясы өтті.

Асыраушысынан айрылған, тұрмысы төмен, көпбалалы отбасылар мен мүгедектік азаматтарға құны 15 мың теңгеден келетін азық-түлік үлестірілді. 100 отбасыны қамтуға 1 млн 500 мың теңге жұмсалды.

Айта кетейік, облыста «Жүрек жылуы» акциясы белсенді түрде атқарылып келеді. Жамағаттар жергілікті мешіттерге жылу жиып, маңайдағы мұқтаж отбасыларға көмек көрсетуде. Азық-түлік, тұрмыстық, гигиеналық заттар, бау-бақша өнімдері қабылдау орындарына жеткізілуде.