Жақында Орал орталық мешітінің наиб имамы Ерденбек Ихсанов Шыңғырлау ауданы арнайы іс-сапармен барды.

Алдымен Наиб имам Ерденбек Жанұзақұлы Шыңғырлау аудандық колледжінде болып, студент жастарымен кездесті. Жүздесуде Отанға сүйіспеншілік, ата-ананың разылығын алу, бос уақытты тиімді пайдалану, білім алу секілді тәрбиелік мәні бар мазмұнды тақырыптар төңірегінде ғибратты әңгіме өрбіді. Студенттер де сауалдарын жолдап, тұщымды жауаптар алды.

Қасиетті жұмада Ерденбек Жанұзақұлы Шыңғырлау аудандық орталық мешітіндегі жергілікті жамағатпен кездесіп, «Исламдағы әйел кісінің мәртебесі» жайында уағыз айтып, жұма намазыны өзі жүргізді.