ҚМДБ-ның Талдықорған өңірі бойынша «Жастар ісі секторының» ұйымдастыруымен, облыстық және қалалық спорт басқармаларының ұйытқы болуымен «30 жылға 30 игі шара» аясында орталық «Иман» мешітінде қала мешіттерінің жамағаттары арасында үстел теннисі мен шахматтан ашық турнир өтті.

Турнирге барлығы 100-ге жуық спортшы жамағат қатысты. Шараның мақсаты – мешіт жамағаттарын спортқа баулу, бірлікке, ынтымақтастық пен ауызбіршілікке шақыру.

Турнирдің нәтижесі бойынша үстел теннисінен 1-орынды Құрсабаев Жандос Азатұлы («Нұр мешіті»), 2-орынды Сексенбаев Алмас Ерболұлы («Еркін мешіті») және 3-орынды Сабырбаев Әлімжан Нұрланұлы («Еркін мешіті») жеңіп алса, шахматтан 1-орынды Амангелді Нұрәділ («Иман мешіті»), 2-орынды Егінбай Рахат («Нұр мешіті») және 3-орынды Ақылбайұлы Эльдар («Еркін мешіті») қанжығасына байлады.

Командалық есеп бойынша 1-орынды «Еркін мешіті», 2-орынды «Нұр мешіті» және 3-орынды «Иман мешіті» иеленді.

Сайысқа қатысып, жүлделі орын алған спортшыларға бағалы сыйлықтар табысталды. Алғаш рет өткен қалалық турнир өте тартысты өтті. Еріктілер жылындағы айтулы шараға қатысқан жамағат дән риза болып, тарқасты. Үрдіске айналар бұндай шаралар болашақта жалғасын табары сөзсіз.