Шығыс Қазақстан облыстық «Халифа Алтай» мешітінде екі апталық дәріс алып жатқан шәкірт әйел-қыздар «Ислам мәдениеті» мұражайымен танысты.

ҚМДБ Өскемен аймағының Әйел-қыздар секторының жетекшісі Т.Қожахметова шәкірттерге мұражайды аралатып, таныстырды. Ол әр жәдігерге тоқталып, мұражай Ислам руханиятымен қатар ұлтымыздың тарихынан мол мағлұмат беретін мұраларға толы екендігін жеткізді.

– «Ислам мәдениеті» мұражайының мешітте ашылуы ұлтымыздың тарихи санасын жаңғыртып, діни ордалардың мәдени-ғылыми орталыққа айналуына өз ықпалын тигізетін тың бастама ретінде бағаланып отыр. Жастар, оқушылар, әр мемлекеттен келген туристер, басқа облыстардан келген қонақтар келіп тамашалап, тарихымыздан мол мағлұмат алуда» деді Т.Қожахметова.