Маңғыстау облыстық орталық мешітінің бас имамы Әнуар Ізімбайұлы қазыналы қарттарымызға құрмет көрсетті.

Әнуар Ізімбайұлы Бекет атаның ұрпағы Нина әжейдің, батагөй қариялар, мешіт ақсақалдары Көрпе Таған қажы мен Жаңай Лепес қажы Қосмағанбетұлының шаңырағына арнайы барып, қазыналы қарттардың иықтарына шапан жапты.

Үлкенді сыйлау, оларға құрмет көрсету – ата-бабадан келе жатқан салтымыз. Қарттардың өмірлік тәжірибесі, ақыл-кеңесі мен тәлім-тағылымының біз үшін әрдайым орны бөлек.