ҚМДБ-ның Қызылорда облысы бойынша өкілдігі Әйел-қыздар секторы және қалалық «Мүсірәлі ата» мешітінің ұйымдастыруымен «Халал ас» тақырыбында тегін шеберлік сабағы өтті.

Шеберлік сағатында мешіт жамағаты кондитер Г.Утемалиева ханыммен бірге торт пісірудің қыр-сырын үйреніп, дайындалу барысымен танысты.

Сонымен қатар, ҚМДБ «Халал Даму» ЖШС-ның Қызылорда облысы бойынша жауапты маманы П.Шарапатова ханымдарға адал астың пайдасы мен халал өнімдер технологиясы жайлы түсіндіріп, халал индустрияға қатысты түрлі сұрақтарға жауап берді.

Шара соңында барлық қатысушылар шеберлік сабағында дайындалған дәмнен ауыз тиіп, уақыт бөліп, білгенімен бөліскен ханымдарға алғыс айтты.