Әбіш Кекілбайұлы атындағы Маңғыстау облыстық тарихи-өлкетану мұражайында қазақтың ұлы ақыны Абай Құнанбайұлының 175 жылдығына орай «Абайды оқы, ой толға...» атты әдеби-танымдық шара өтті.

Шараны мұражай директоры Тамара Жұмалиева құттықтау сөзімен ашып берді, ал мұражайдың ғылыми қызметкері, өлкетанушы Отыншы Көшбайұлы Абай әулетінің шежіресі туралы әңгімемен бөлісті. Сондай-ақ, рухани кеште ҚМДБ-ның Маңғыстау аймағы өкілдігі бойынша бас имамы Әнуар Ізімбайұлы Абай атамыздың «Қара сөздерінен» үзінді айтып берді.

Шараның мақсаты – жастардың Абай шығармаларына деген сүйіспеншілігін арттыру. Ұлы Абайдың өсиетіне өскелең ұрпақ құлақ асса, ел болашағы жарқын болары сөзсіз, - дейді ұйымдастырушылар.