Арқалық қалалық Ішкі саясат бөлімі мен шаһардағы «Мухтасиб Әлмұхаммед» мешітінің ұйымдастыруымен Абай Құнанбайұлы атындағы №6 мектепте «Адамның рухани құндылықтары – кемелдіктің кілті» атты кездесу өтті.

Кездесу барысында Арқалық қалалық «Мухтасиб Әлмұхаммед» мешітінің бас имамы Дархан Қосылбаев адамзатқа ауадай қажетті рухани азық жайлы сөз қозғады.

«Рухани құндылықтың қайнар көзі – иман. Ислам дінінің мөлдір бұлағы –Құран. Мұхаммед пайғамбарымыз (оған Алланың салауаты мен сәлемі болсын) ғұмыры мен көркем мінезі арқылы барлық өскелең жасқа өнеге бола алады» деді ол.

Әңгімеге арқау болған өзекті тақырып шәкірттерге үлкен ой салды.