Қазақстан Мұсылмандары Діни Басқармасының Ғұламалар кеңесінің мүшесі, Пәтуа бөлімінің меңерушісі, РАНТ мүшесі Сансызбай Құрбанұлы Семей қаласындағы тарихи мешіттерде тәлімді уағыз айтты.

Кездесу барысында ұстаз Сансызбай Құрбанұлы жат ағымдармен күресудің жолдары, дәстүрлі ислам дінін насихаттаудың тиімді тұстары жөніндегі ойларымен бөлісті.

«Алла адамзатты жаратқаннан соң олардың қалай тұрып, қалай жүру керек екенін білдіру үшін пайғамбарлар арқылы дін жіберді. Ислам діні 14 ғасыр бұрын келді. Яғни, екі дүние сардары болған Мұхаммед (оған Алланың салауаты мен сәлемі болсын) пайғамбарымызға қасиетті Құран Кәрім кітабы түсті. Құран – адамзатқа тура жол көрсетуші, ақ пен қараны айырушы кітап. Исламның әлемдік дінге айналуының сыры неде? Ол адамзатқа Алланың бар және бір екендігін, барша әлемді бір Алланың жаратқандығынан хабар беріп, адамдар арасында тәртіп орнатып, бауырластыққа бастайды. Адамммен адамның жаратылысының тең екендігін, бақытты болудың жолын көрсетеді» деп атап өткен ұстаз жамағат тарапынан қойылған сауалдарға жауап берді.