Қасиетті Құранда: «Алла Тағала жақсылық жасаушыларды жақсы көреді» делінген («Мәида» сүресі, 13-аят). Бірде Пайғамбарымыздан (оған Алланың салауаты мен сәлемі болсын): «Иә, Расулулла! Исламдағы ең жақсы амал қандай?» – деп сұрағанда: «Мұқтажды тамақтандыруың және танысаң да, танымасаңда кездескенмен сәлемдесуің», – деп жауап берген екен.

Осы аят пен хадиске амал еткен «Мәшһүр Жүсіп» мешітінің әйел жамағаты, ерікті шәкірттер қайырымдылық жәрмеңкесін өткізіп көпбалалы, жетім-жесір алты отбасына ақшалай және азық-түлік көмегін жасады. Шәкірттер осылайша білім алып қана қоймай, білімдеріне амал етіп, мұқтаж мұсылман бауырларын қуантып Алланың разылығын үміт етіп қайтты.