Алматы облысының Талғар ауданына қарасты мешіт қызметкерлері бас қосты. 

Талғар ауданына қарасты «Биеке батыр» мешітінде аудандық бас имам Мұсабек қажы Тағанұлының қатысуымен ауданға қарасты барлық мешіттің имамдары мен наиб имамдарына жиналыс өтті. 

Аудан имамы күн тәртібіндегі басты мәселелерді алға тартып, мешіт жанындағы діни сауат ашу курстарын тұрақты жүргізіп, насихаттау жұмыстарын жандандыруды сондай-ақ, кереғар ағым мүшелерімен кездесу жұмыстарын жүйелеу сынды бірқатар тапсырмалар берді.