Қостанай облысының Жергілікті ақпараттық насихат тобының (ЖАНТ) мүшесі, Рудный қалалық Нұр мешітінің Бас имамы Азамат Мырзаханов Қарабалық ауданына барды.

Ол алдымен мешіт жамағатымен кездесіп, «Шынайы мүміннің келбеті» тақырыбында жиналғандарға уағыз-насихат айтты. Одан кейін Агротехникалық колледжде оқытушы-ұстаздармен жүздесті. Мұнда  «Дін және қоғам» тақырыбында әңгіме өрбітті. Сондай-ақ тыңдармандар тарапынан қойылған сұрақтарға жауап берді.

Азамат Серікбайұлы бұдан бөлек осы сапарында аудандық ішкі істер қызметкерлерімен де кездесіп, өзекті мәселе «Экстремизм және терроризм» хақында жан-жақты ақпарат берді.