Маңғыстау облыстық орталық мешітінің бас имамы Әнуар Ізімбайұлы Маңғыстау облыстық Дін істері басқармасының жаңадан тағайындалған басшысы Мақсатбек Маханбетовпен кездесті.

«Біздің мақсатымыз – азаматтардың бойында радикалды идеологияларға қарсы тұра алатын иммунитет қалыптастырып, облыстағы діни ахуалды бақылауда ұстау және облыстағы діни мәселелердің оң шешімін табуына ықпал ету» деді Әнуар Ізімбайұлы.

Кездесуде облыстың діни ахуалы, имамдар мен теолог мамандардың атқарып келген еңбектеріне тоқтала келе, Нұр-Мүбарак университетінің «Исламтану», «Теология», «Дінтану» салалары бойынша түлектерді қызметке шақыру, деструктивті діни ағым ағым өкілдерімен жұмыс жүргізу барысы талқыланды.