«Шаңырақ» жасөспірімдер үйінде тәрбиеленіп жатқан намазхан балалардан құралған «Шаңырақ» футбол командасы Орал қаласында орналасқан мешіттердің имамдарымен футболдан жолдастық кездесу өткізді.

Ойын барысы өте қызу да, қызықты өтті. Бұл достық ойынының мақсаты – жасөспірімдерді салауатты өмір салтына шақыру, Ислам дінін ұстанып жүрген жастардың имамдармен тығыз қарым-қатынас орнатуына сеп болу.

Бір айта кететіні, «Шаңырақ» командасы – «Тәжиден Батырұлы» мешітінің тікелей қолдауымен 2019-2020 жылғы футзалдық лигада үздік өнер көрсетіп келе жатқандардың бірі. Қазіргі таңда топ басында, яғни, бірінші орында келеді.