Екібастұз қалалық мешітінің ұстазы Зәуре Шамшидинқызы мешіттің сауат ашу курсында оқып жүрген әйел-қыздар шәкірттерінің қатысуымен «Саналы ұрпақ – жарқын болашақ» тақырыбында іс-шара өткізді.

Жиында еріктілердің 3 тобы құрылды. Олар – «Жақсылық» (жетекшісі – Салтанат Шуақбаева, «Мейірім» (жетекшісі – Үміт Рыспекова) және «Бірлік» (жетекшісі – Майра Бахтиярова) топтары. Жиын барысында жаңадан құрылған еріктілер топтарының қызметі, мақсат-міндеті, жұмыс барысы жайлы түсіндіру жұмысы жүргізілді. Еріктілер тобының 42  мүшесі бар. Әрбір топ 14 шәкірттен құралған. Еріктілер қазірден бастап іске кірісті. Олар мұқтаж жандарға азық-түлік жеткізіп, медресе мен мешітке тазалық жұмыстарын жүргізе бастады.