Түркістан облыстық мешітінің ұйымдастыруымен "Әйел әдемі – әдебімен" жобасы басталды. Оның аясында екі күнде Қазығұрт, Келес, Шардара, Жетісай ауданының үлкен-кіші ханымдарымен рухани сұхбат жүргізілді. Ұстаздармен жүздесуге жүздеген әйелдер келді.

Бала тәрбиесі, ата-ана, ағайын-туыспен байланыс, ері мен ата-енесімен мәміле және т.б 10 тақырып бойынша насихат айтылды. Жалпы қыз-келіншектерге арналған мұндай рухани сұхбат ай сайын аудандық орталық мешіттерде тұрақты өткізу жоспары бекітілді. Ұстаздарға әдістемесі берілді. Бұқараны ұлттық тәрбие "Жеті рухани қазық" тұғырнамасына жұмылдыру мақсатында облыс имамының тапсырмасымен ұстаздар тобы құрылды.