Таң

Күн

Бесін

Екінті

Ақшам

Құптан

Маңғыстау: Игі бастамалар жоспары бекітілді

Маңғыстау аймағы өкілдігінің баспасөз қызметі 08.01.2020 525 0 пікір
Маңғыстау: Игі бастамалар жоспары бекітілді

Ақтау қаласында Маңғыстау облысының бас имамы Әнуар Ізімбайұлының төрағалығымен өткен игі басқосуда аудан имамдары өткен жылы атқарған жұмыстары жайлы баяндап, жаңа жұмыс жоспары жасалды.

Есеп беру шарасында уағыз-насихат, пәтуа беру, оқу-ағарту, халал стандарттау, ақпараттық насихат, қайырымдылық, деструктивті ағымның арбауында жүрген азаматтарға жеке түсіндіру жұмыстары, т.б бағыттар бойынша жүргізілген жұмыс барысы талқыланды. Сонымен қатар, 2020 жылы жүзеге асатын ізгі іс-шаралардың жоспары бекітілді.

«Өздеріңіз білесіздер, биыл Қазақстан мұсылмандары діни басқармасының құрылғанына 30 жыл толды. Осы айтулы мерейтой аясында қайырымдылық, тарихи-мәдени, діни, рухани бағытта облыстық деңгейде сауапты һәм салауатты шаралар өткіземіз. Баршаңызды осынау іс-шараға белсенді түрде атсалысуға шақырамын» деп атап өтті Маңғыстау облысының бас имамы Әнуар Ізімбайұлы.

Кездесу соңында жұмыс жоспары бекітіліп, аудан, ауыл имамдарына нақты тапсырмалар берілді.

Пікірлер (0)

Тіркелген қолданушылар ғана пікір қалдыра алады. Сайтқа кіру

Соңғылар

Мұсылман діни күнтізбесі