Маңғыстау облысы орталық мешітінің жанынан ашылған сауат ашу курсының шәкірттері арасында білім деңгейін анықтау мақсатында 17 желтоқсаннан бастап үш күн қатарынан емтихан өтті.

ҚМДБ Маңғыстау облыстық өкілдігі Әйел-қыздар секторының меңгерушісі Айгерім Ахметова сүйікті пайғамбарымыздың (оған Алланың салауаты мен сәлемі болсын) өмірінен (тест), ғибадат (тест), сенім негіздері (ауызша-жазбаша) және Құран сабағынан жатқа мәнерлеп оқуын пысықтады.

Үш айлық жүйелі дәрістің нәтижесін жақсы меңгерген қыз-келіншектер білімнің құндылығын түсініп, болашаққа ілім алуда табанды болуды меңгерді. Танымдық рухани жиын ақжаулықты аналардың жас қыз-келіншектерге арнаған өсиетімен жалғасты.

Жаратушымыз осындай игі білім-мәжілістерін көбейтіп әрі өз мерейімен берекелі нәтижелер берсін!